Ааспыт бэнидиэнньиккэ, Тыйаатыр аан дойдутааҕы күнүгэр, Дьокуускайга Былатыан Ойуунускай аатынан Саха академическай тыйаатырын сыанатыгар, 2017 сыл кулун тутар 21-27 күннэригэр өрөспүүбүлүкэҕэ ыытыллыбыт IХ “Хаарыан хампа…” тыйаатыр бэстибээлин түмүктэрин таһаарыы буолла.
Бастыҥ испэктээгинэн, оҕолорго аналлааҕы кытта, түөрт испэктээк тэҥинэн ааттанна.
“Бастыҥ испэктээк” – “Князь Игорь” опера, Суорун Омоллоон аатынан Опера уонна балет тыйаатыра.
“Бастыҥ испэктээк”— “Спасти камер-юнкера Пушкина”. Мирнэйдээҕи тыйаатыр.
“Бастыҥ испэктээк”— “Пионовая беседка”, Олоҥхо тыйаатыра.
“Бастыҥ оҕо испэктээгэ”— “Страна Фантазия, или Волшебная история”, Суорун Омоллоон аатынан Опера уонна балет тыйаатыра.
“Бастыҥ дьахтар оруола” – Вера Григорьевна Келле-Пелле, “Деревья умирают стоя” испэктээккэ Сеньора Бальбао оруолун иһин. А. С.Пушкин аатынан Нуучча академическай тыйаатыра.
“Бастыҥ эр киһи оруола” — Роман Дорофеев, “Ревизор” испэктээккэ Хлестаков оруолун иһин. П.А.Ойуунускай аатынан Саха академическай тыйаатыра.
“Дьахтар иккис былааҥҥа бастыҥ оруола” – Айталина Лавернова, “Ревизор” испэктээккэ Марья Антоновна оруолун иһин. П.А.Ойуунускай аатынан Саха академическай тыйаатыра.
“Эр киһи иккис былааҥҥа бастыҥ оруола” – Михаил Мамлеев, “Голодранцы и аристократы” испэктээккэ Феличе Шошомок оруолун иһин. А. С.Пушкин аатынан Нуучча академическай тыйаатыра.
“Бастыҥ режиссер үлэтэ” – Юрий Макаров, “Шинель” испэктээк иһин. Ньурба судаарыстыбаннай көһө сылдьар драматическай тыйаатыра.
“Бастыҥ худуоһунньук үлэтэ” – Михаил Егоров, А. С.Пушкин аатынан Нуучча академическай тыйаатырыгар “Капитанская дочка” испэктээк сценографиятын иһин.
“Көстүүмнэргэ бастыҥ худуоһунньук үлэтэ” – Сардаана Федотова, Олоҥхо тыйаатырыгар “Пионовая беседка” испэктээккэ көстүүмнэрин иһин.
“Эрэл” анал бириис – Антон Ботаков, “Три ночи” испэктээккэ Хома оруолун иһин, Үүнэр көлүөнэ тыйаатыра.
“Дебют” дьүүллүүр сүбэ анал бирииһэ – Татьяна Саввинова, “Кащей Бессмертный” опера иһин. Суорун Омоллоон аатынан Опера уонна балет тыйаатыра.
“Тыйаатыр искусствотын сайыннарыыга кылаатын иһин” анал бириэмийэ – Зоя Петровна Багынанова.
“Тыйаатыр искусствотын өйөөһүнүн иһин” анал бириэмийэ — “Алмаасэргиэнбаан” АКБ.