Роман Дмитриев турнира: Айсеммыт Тахти Кубогын хаһаайыныгар баһыйтарда...
Дьулуур - Олох-дьаһах

Роман Дмитриев турнира: Айсеммыт Тахти Кубогын хаһаайыныгар баһыйтарда

Бүгүҥҥүттэн «Триумф» Спорт киинигэр сахалартан бастакы олимпийскай чөмпүйүөн Роман Дмитриев кэриэһигэр уолаттар ортолоругар көҥүл тустууга VI норуоттар икки ардыларынааҕы турнир хапсыһыылара саҕаланнылар. Бастакынан көбүөргэ 57, 65, 74, 86, 97 кг диэри ыйааһыннаахтар таҕыстылар.

65 киилэҕэ диэри ыйааһыҥҥа олимпийскай эрэл училищетын иитиллээччитэ Айсен Потапов Бурятия икки бөҕөһүн — Чингиз Цыренжаповы, Эрдем Шарастепановы — утуу-субуу хотуталаан, финал аҥарыгар Тумур-Очир Тулганы (Монголия) кытта тахсан туһунна. Санатар буоллахха, монгол баатыра быйыл Тахти Кубогын хаһаайынынан буолбута. Онон Дьокуускайга даҕаны кыһыл көмүс мэтээли ыла кэлбитэ сэрэйиллэр. Оннук да буолуох курдук — үтүһүүлээх-анньыһыылаах хапсыһыыга Айсены 9:2 ахсаанынан хотто.

Эрэхтээх уонна кыайыылааҕы быһаарар түмүк хапсыһыылар сарсын, кулун тутар 3-гэр, субуотаҕа, буолуохтара.

Роман Попов, «Саха сирэ» хаһыат, edersaas.ru

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

3 × два =