Роман Дмитриев түһүлгэтигэр саха уолаттара бары ыйааһыннарга тустуохтара
Бүгүҥҥүттэн, кулун тутар 1–иттэн, Дьокуускайга сахалартан бастакы олимпийскай чөмпүйүөн Роман Михайлович Дмитриев кэриэһигэр 1998-2000 сс. төрүөх уолаттар ортолоругар көҥүл тустууга VI норуоттар икки ардыларынааҕы турнир саҕаланар.
Бу улахан түһүлгэҕэ өрөспүүбүлүкэ сүүмэрдэммит хамаандатын сүрүн тириэньэрэ Станислав Захаров салалтатынан Саха сирин күүстээх эдэр бөҕөстөрө бары ыйааһыннарга — 57, 61, 65, 70, 74, 79, 86, 92, 97 уонна 125 кг — кыттыахтара. “Триумф” Спорт киинин көбүөрүгэр туста тахсыахтара: Дагестаҥҥа ыытыллыбыт дойдуга бастыыр иһин күрэхтэһии кыайыылааҕа Айсен Потапов, уолаттарга аан дойдуга бастыыр иһин күрэс кыайыылаахтара ини-бии Алексей уонна Петр Копыловтар, аан дойдуга бастыыр иһин күрэс призера Петр Константинов, 2017 сыллааҕы “Роман Дмитриев” турнир кыайыылаахтара Быйаман Яковлев уонна Георгий Кычкин, норуоттар икки ардыларынааҕы турнир призера Максим Толмачев уо.д.а.
Саха сирин сүүмэрдэммит хамаандатын састааба:
57 кг — Петр Константинов, Алексей Копылов, Петр Копылов, Михаил Васильев, Быйаман Яковлев, Игорь Петров, Прокопий Ефимов, Егор Слепцов, Уйгулаан Иванов, Айсен Винокуров, Дьулус Неустроев, Любомир Ашеин, Василий Яковлев, Максим Егоров, Андрей Федоров, Максим Михайлов, Сергей Спиридонов;
61 кг — Дьулусхан Тотонов, Георгий Кычкин, Христофор Потапов, Александр Неустроев, Нил Евсеев, Виталий Неустроев, Владислав Андросов, Яков Павлов, Владислав Кривошапкин, Егор Герасимов, Валентин Судинов;
65 кг — Николай Иванов, Юрий Протодьяконов, Егор Захаров, Роман Михайлов, Айсен Потапов, Албан Аввакумов, Артем Аммосов, Николай Захаров, Владимир Юмшанов;
70 кг — Ньургустаан Брощев, Ярослав Старыгин, Стив Попов, Матвей Гоголев, Никита Софронов;
74 кг — Василий Спиридонов, Максим Любянецкий;
79 кг — Алексей Ефимов;
86 кг — Александр Филиппов, Артем Сивцев. Иван Борисов;
92 кг — Максим Толмачев;
97 кг — Андрей Аронов;
125 кг — Никита Хабаров.
Роман Попов, “Саха сирэ” хаһыат, edersaas.ru