Родион Федоров оннугар Павел Федоров «Якутоптторг» тэрилтэни салайыа

«Якутоптторг» АУо акционердарын уочарата суох мунньаҕын түмүгүнэн, хампаанньа саҥа генеральнай дириэктэринэн Павел Львович Федоров ананна.

Ахсынньы 5 күнүгэр «Якутоптторг» үлэһиттэригэр саҥа салайааччыны билиһиннэрдилэр. П.Л. Федоров Нам улууһун Кириэс Кытылыгар төрөөбүт. 2005 сыллаахха Дьокуускайдааҕы тыа хаһаайыстыбатын академиятын бүтэрбит. «Намкоммунтеплоэнерго» ААУо-ҕа кылаабынай инженер солбуйааччытынан, «Быйаҥ» ХЭТ инженеринэн, «НАМ» МТС ТХПК бэрэссэдээтэлинэн, «Сатал» ХЭТ бухгалтерынан үлэлээбит. 2012 сылтан Нам улууһун «Ленинскэй нэһилиэгэ» МТ баһылыгын солбуйааччы.

Анивера АКИМОВА.