Урбаанньыт Александр Роданич Уус Ньара баһылыгынан талылынна

Бэҕэһээ Өймөкөөн улууһугар ыытыллыбыт куоластааһыҥҥа быыбардааччы 44,77 % кытынна.

Барыллаан түмүгүнэн, Саха Өрөспүүбүлүкэтин Ил Дарханын быыбарыгар НИКОЛАЕВ А.С. – 71,43, ГУБАРЕВ В.Н. – 10,57, БОГДАНОВ В.Н. – 6,85, ПАРАХИН Г.П. – 6,74 % ыллылар.

Балаҕан ыйын 9 күнүгэр буолбут Уус Ньара бөһүөлэгин баһылыгын болдьоҕун иннинэ быыбардааһыҥҥа бэйэтин туруоруммут урбаанньыт Александр Евгеньевич РОДАНИЧ барыллаан ааҕыынан 366 киһи куолаһын ылан (бу быыбарга кыттыбыттар 36,13%) кыайыылаах таҕыста.

Елена Ивановна САПЕГИНА (198 куолас – 19,55%) — иккис, “Биир ньыгыл Арассыыйа” баартыйа хандьыдаата Виталий Юрьевич КОНДАКОВ (196 куолас – 19,35%) үһүс буоллулар.

Роман ПОПОВ, edersaas.ru