Сүрүн Экэниэмикэ

РНА вице-бэрэсидьиэнэ “Север” бырайыагы үрдүктүк сыаналаата

От ыйын 16 күнүгэр Саха сирин баһылыга Айсен Николаев “Север” научнай үөрэтэр  киин кэтиир сэбиэтин мунньаҕын ыытта.

Ил Дархан “Хоту дойду – тирэхтээх сайдыы сирэ-уота” киин аан дойду таһымнаах 15 научнай-үөрэтэр киин иһигэр киирбитин бэлиэтээтэ. Бу дойдуга Владимир Путин ыам ыйынааҕы ыйааҕын толорууга туһуламмыта.

“”Север” НҮө К тэрийиигэ холбоһук уонна Уһук Илин биэс  эрэгийиэнин холбоһуктаах сайаапката куонкурсука кыайыыга тутаах чахчынан буолла”, — диэтэ Айсен Сергеевич уонна бары кыттыылаахтарга махтанна.

Чугастааҕы күҥҥэ Арассыыйа Федерациятын уурааҕа тахсара күүтүллэр, онно федеральнай грант чопчуланыа.

Аан дойду таһымнаах киин ситиһиитин мадыала хс да хайысханан наука уонна бырамыысыланнас кластерын тэрийиигэ тирэҕирэр – бу уотунан кэлимсэ хааччыйыы, ирбэт тоҥҥо айылҕаны көдьүүстээхтик туһаныы, хаһаайыстыбаннай үлэни ыытыы технологията уонна саҥа матырыйааллар, биотехнология, мэдиссиинэ уонна доруобуйа харыстабыла, Арассыыйа хотугулуу-илин өттүгэр социальнай туруктаах буолууну хааччыйыы технологията.

Киин үлэтин хайысхата Арассыыйа наукатын уонна технологиятын соруктарын, Арктика сайдыытын стратегиятын уонна Уһук Илин сайдыытын национальнай бырагырааматын кытта сибээстээхтэр.

“Биһиги эрэгийиэннэрбититтэн хас биирдиилэрэ бу киин үлэтин көдьүүһүн билиэхтээх. Научнай-үөрэтэр кииннэр бэйэлэрин аан дойдутааҕы таһымнарын бигэргэтиэхтээхтэр уонна экэниэмикэ сайдыытын хамсатыахтаахтар. Бу сорук “Север” киин иннигэр турар”, — диэтэ Саха сирин баһылыга.

Дойдуга НҮөК сэбиэтин оробуочай бөлөҕө тэрилиннэ. Маны РФ наукаҕа уонна үрдүк үөрэххэ миниистирэ Валерий Фальков салайыаҕа. Оробуочай бөлөх киин үлэтин ырытыаҕа, бырагыраама олоххо киириттин көрүөҕэ.

“Киин ситиһиитэ үлэни тэрийии тиһиктээх уонна түмүктээх буолуутуттан тутулуктаныаҕа”, — диэн Саха сирин баһылыга бэлиэтээтэ.

Саха сирин вице-премьерэ Сергей Местников манна кыттар эрэгийиэннэр үгүс үлэни ыыппыттарын уонна Бырайыактыыр офис үлэтин кэпсээтэ.

Киин кыттыылаахтарынан 11 наука института, үрдүк үөрэх биэс кыһата уонна наука 21 оскуолата буолаллар.

Индустриальнай бииргэ үлэлээччилэринэн бөдөҥ корпорациялар “Русгидро”, “Росатом”, “Роснефть”, “АЛРОСА”, “Мечел”, “Колмар” хампаанньалар буолаллар.

Тас дойду наука 70 тэрилтэтин кытта кыттыгас бырайыактар бааллар.

“2021 сылга биһиги Саха Өрөспүүбүлүкэтигэр кэлимсэ научнай чинчийиилэр бырагыраамаларын саҥа сүрүн түһүмэҕэр киирэбит, бу оҥорон таһаарар күүстэри уонна социальнай эйгэни сайыннарыыга туһуланыаҕа”, — диэн Сергей Местников бэлиэтээтэ.

Арассыыйа Наукатын академиятын вице-бэрэсидьиэнэ Андрей Андрианов “Север” НҮөК дириҥник чопчуламмытын уонна киэҥ хайысхалааҕын үрдүктүк сыаналаата. Учуонай этэринэн, бу чахчылар биэс эрэгийиэн кыайарыгар олук буолбуттар.  “Север” НҮөК кыттааччы эрэгиийэннэргэ эрэ буолбакка, дойдуга бүттүүнүгэр наадалаахтар. Арассыыйа инники сайдыыта хотугу сирдэри сайыннарыыны кытта ыкса ситимнээхтэр”, — диэтэ Андрей Андрианов.

Мунньах түмүгүнэн Айсен Николаев кылгас болдьоххо “суол каартатын” бигэргэтэргэ уонна көхтөөх үлэҕэ турунарга соруйда.

Саха сирин баһылыга бу киин 2024 сылга диэри кэлимсэ былаана сүрүн көрдөрүүлэри ситиһиигэ чопчу  буолуохтаах уонна биэс эрэгийиэн интэриэһин учуоттуохтаах” диэтэ.

Саха сирин Ил Дарханын уонна Саха сирин Бырабыыталыстыбатын пресс-сулууспата

Андрей Сорокин түһэриитэ

Бэлэмнээтэ Женни Стрюкова

 

 

 

0
0