Бэҕэһээ, бүгүн Үөһээ Бүлүү улууһун Өргүөт нэһилиэгин орто оскуолата тэриллибитэ 90 сыллаах үбүлүөйүн бэлиэтиир тэрээһиннэр буоллулар.
Үбүлүөйгэ араас сыллаах выпускниктар кэллилэр. Ыраахтан-чугастан 100-тэн тахса киһи кэлэн кытта сылдьар.
edersaas.ru
Спиридон Борбуев, Үөһээ Бүлүү улууһун үөрэх управлениетын начаалынньыга:
— Өргүөт оскуолата бэйэтин түбэтигэр саамай улахан оскуола буолар. 2000 сыллардаахха дьиэтэ уокка былдьанан, 2005 сыллаахха саҥа оскуола уонна интэринээт тутуллубуттара. Оскуола агрохайысхалаах. Эбии үөрэхтээһиҥҥэ күүскэ үлэлиир. Кэлиҥҥи сылларга оҕолор Дьокуускайдааҕы гимназияны (ЯГНГ) кытта ыкса үлэлээн, «Аттилла» култуурунай киин нөҥүө бырайыак оҥорон Киргизияҕа, Мароккаҕа тиийэ талааннарын көрдөрдүлэр. Үбүлүөйү ЯГНГ оҕолоро кэлэн эмиэ кэргэтэ сылдьаллар.
Бу оскуолаттан Саха норуодунай артыыһа Мария Евсеевна Николаева тахсыбыта, норуодунай бэйиэт Петр Николаевич Тобуруокап үлэлээбитэ. Оскуола биэс наука дуоктарын үөрэтэн таһаарда. Элбэх наука хандьыдааттара, спорт маастардара үөрэммиттэрэ.
Бу курдук оскуола бэйэтин кыаҕынан үлэлии-хамсыы олорор.Түгэнинэн туһунан, оскуола кэлэктиибин, үөрэнээччилэрин, выпускниктары ис сүрэхпиттэн эҕэрдэлиибин!
edersaas.ru