РФ доруобуйатын харыстабылын миниистирэ уларыйда...
Олох-дьаһах

РФ доруобуйатын харыстабылын миниистирэ уларыйда

РФ премьер-министрэ Михаил Мишустин тохсунньу 21 күнүгэр бырабыыталыстыба саҥа састаабын билиһиннэрдэ.

Арассыыйа доруобуйатын харыстабылын миниистиринэн 18 сыл үлэлээбит Вероника Скворцова оннугар акушер-гинеколог, Коми Өрөспүүбүлүкэтин доруобуйатын харыстабылын экс-миниистирэ, мэдисиинискэй сурунааллар кылаабынай эрэдээктэрдэрэ Михаил Мурашко ананна.

Саҥа миниистир 53 саастаах, 1967 сыллаахха тохсунньу 9 күнүгэр Свердловскайга күн сирин көрбүт. Физика, математика уонна химия предметтэрин дириҥник үөрэтэр оскуоланы бүтэрбит.

1986-88 сылларга аармыйаҕа сулууспалаабыт.

1992 сыллаахха Ураллааҕы судаарыстыбаннай мэдисиинискэй университекка “эмтээһин дьыалата” идэни бүтэрбит. Онтон “акушерство уонна гинекология” идэтигэр интернатураҕа үөрэммит.

1992-96 сылларга Сыктывкарга Коми өрөспүүбүлүкэтээҕи балыыһатыгар араас дуоһунаска сылдьыбыт, ол иһигэр, гинеколог-бырааһынан үлэлээбит.

2006-2011 сылларга – Коми Өрөспүүбүлэкэтин доруобуйатын харыстабылын миниистирэ.

2012 сыллаахха Росздравнадзор баһылыгын солбуйааччынан анаммыт.

2013 сыл кулун тутартан бу биэдэмистибэ салайааччытынан үлэлээбит (доруобуйа харыстыбалын миниистиринэн ананыар диэри).

Михал Мурашко – наука дуоктара. Икки идэҕэ: “Доруобуйа харыстабылын тэрийии уонна уопсастыба доруобуйата” уонна “Акушерство уонна гинекология” икки идэҕэ докторскай үлэни көмүскээбит.

«Вестник Росздравнадзора» уонна «Здоровье человека на Севере» таһаарыылар кылаабынай эрэдээктэрдэрэ, ону сэргэ «Детская медицина Северо-Запада» сурунаал эрэдээксийэтин сэбиэтин чилиэнэ.

2018 сыллаахха «Дойдуга өҥөтүн иһин” II истиэпэннээх уордьанынан наҕараадаламмыт.

Кэргэннээх.

Надежда ЕГОРОВА, “Саха сирэ”, edersaas.ru

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

1 × 4 =