РФ ЫБМ миниистирэ уонна Ил Дархан Горнай улууһугар чөлүгэр түһэрии үлэтин билистилэр
Бүгүн, атырдьах ыйын 12 күнүгэр, РФ ЫБМ миниистирэ Евгений Зиничев уонна Ил Дархан Айсен Николаев Горнай улууһун нэһилиэнньэлээх пууннарыгар ойуур баһаардарынан миэстэтигэр балаһыанньаны кытары билистилэр.
Ил Дархан уонна СӨ бырабыыталыстыбатын пресс-сулууспата иһитиннэрбитинэн, салайааччылар Бэс Күөлүгэр сырыттылар. Чөлүгэр түһэрии үлэтин туһунан СӨ нэһилиэнньэҕэ куттал суох буолуутун судаарыстыбаннай кэмитиэт бэрэссэдээтэлин бастакы солбуйааччыта Иннокентий Андросов уонна «Сахатранснефтегаз» хампаанньа генеральнай дириэктэрэ Алексей Колодезников иһитиннэрдилэр.
Баһаартан эмсэҕэлээбит Бэс Күөлүн олохтоохторо билигин улуус киинигэр аймахтарыгар уонна быстах кэмҥэ олорор пууннарга олороллор. Нэһилиэккэ хаалбыт дьиэтэ суох дьон орто оскуолаҕа уонна оскуола интэринээтигэр бааллар. Сотору кэминэн нэһилиэккэ толору хааччыллыылаах дьиэлэр тутуллуохтара.
Бүгүн «Сахатранснефтегаз» хампаанньа үлэһиттэрэ уокка былдьаммыт дьиэлэр сирдэрин ыраастыы сылдьаллар. Баһаарга 23 гаас ситимэ былдьанна. Газовиктар чөлүгэр түһэрии үлэтин сотору түмүктүөхтэрэ.
Елена ПОТОЦКАЯ, «Саха сирэ» хаһыат.
+1
+1
+1
+1
+1
+1
+1