Бүгүн РФ Федерациятын Сэбиэтин 425-с мунньаҕынан бигэргэниллэн, дойдубут президенин быыбара эһиил кулун тутар 18 күнүгэр болдьонно. Сэбиэт уурааҕа информацияны киэҥник тарҕатар средстволарга бэчээттэннэр эрэ, кандидаттар быыбардыыр хампаанньаларын саҕалыахтара.
Санатан эттэххэ, президент быыбарын болдьоҕо Федерация Сэбиэтин мунньаҕынан бигэргэниллэр. Сокуон быһыытынан, Сэбиэт быыбар буолуон 90-100 хонук иннинэ болдьоҕун чуолкай биллэриэхтээҕэ.
Конституция сокуоннарын, судаарыстыбаннай тутул сис кэмитиэтин бэрэссэдээтэлэ Андрей Клишас иһитиннэрбитинэн, анал уураах ахсынньы 18 күнүгэр информацияны киэҥник тарҕанар сириэстибэлэргэ бэчээттэниэҕэ. Онон бу күнтэн быыбарга бэлэмнэнии саҕаланыаҕа.
Аграфена КУЗЬМИНА, “Саха сирэ” хаһыат, edersaas.ru.
+1
+1
+1
+1
+1
+1
+1