РФ Бырабыыталыстыбатын бэрэссэдээтэлэ 11 солбуйааччылаах буолуоҕа
РФ премьер-миниистирэ Михаил Мишустин РФ Судаарыстыбаннай Дууматыгар Бырабыыталыстыба бэрэссэдээтэлин солбуйааччытын дуоһунаһыгар РФ бырамыысыланнаска уонна атыыга-эргиэҥҥэ миниистирэ Денис Мантуров кандидатуратын киллэрдэ.
Санатар буоллахха, бэҕэһээ, от ыйын 12 күнүгэр, РФ Бэрэсидьиэнэ Владимир Путин Бырабыыталыстыба бэрэссэдээтэлин солбуйааччыларын 11 киһиэхэ диэри эбэргэ аналлаах Ыйаахха илии баттаабыта. Билигин Бырабыыталыстыба бэрэссэдээтэлин солбуйааччыларынан Андрей Белоусов, Дмитрий Григоренко, Виктория Абрамченко, Юрий Борисов, Татьяна Голикова, Александр Новак, Алексей Оверчук, Юрий Трутнев, Марат Хуснуллин, Дмитрий Чернышенко үлэлииллэр.
Денис Мантуров кандидатуратын от ыйын 15 күнүгэр Судаарыстыбаннай Дуума пленарнай мунньаҕар көрүөхтэрэ.