РФ Бырабыыталыстыбата 2035 сылга диэри Уһук Илин сайдыытын национальнай бырагырааматын бэлэмнээтэ
Арассыыйа бырабыыталыстыбата 2035 сылга диэри Уһук Илин сайдыытын национальнай бырагырааматын бэлэмнээбитин премьер-миниистир Михаил Мишустин РФ бэрэсидьиэнин мунньаҕар иһитиннэрдэ диэн ТАСС этэр.
”Эн сорудаххынан бу эрэгийэн 2035 сылга диэри кэскиллээх сайдыылаах 2024 сылга диэри уонна 2035 сылга диэри кэскиллээх сайдыытын национальнай бырагырааматын бэлэмнээтибит”, — диэтэ премьер.
Мишустин этэринэн, эрэгийиэн олохтоохторун кытта көрсүһүү кэмигэр «Уһук Илиҥҥи ипэтиэкэ» уонна “Уһук Илиҥҥи гектар” бырагыраамалар усулуобуйаларын тупсарыы, саахалланар туруктаах дьиэлэр кыһалҕаларын быһаарыы боппуруостара турбуттара. Бу боппуруостар барыта национальнай бырагыраамаҕа киирдилэр. Мишустин бырагырааманы торумнааһыҥҥа Уһук Илин уонна Арктика сайдыытын министиэристибэлэрэ уопсастыбаннаһы кытта сүбэлэспитэрэ.
“Онон түмүк докумуон УИФУо 11 субъектарыттан хас биирдиилэрин сайдыытын, кинилэр уратыларын чопчулуур, быһаччы хардыыларга сигэнэр, балар эн ыйааххар туруоруллубут соруктары толорууга наадалар”, — диэн Мишустин бэрэсидьиэҥҥэ туһаайан эттэ. Кини нацбырагыраамаҕа киирбит хас биирдии нэһилиэнньэлээх пууннарга киритиэрийдэр суруллалларын чопчулаата: спорткомплекс, былаһаакка, балыыһа, биэлсэр-акушер пууна ханна тутуллуохтаахтара.
Социальнай тосхоллору таһынан тустаах бырагыраамҕа Благовещенскайга сиһилии ырытыллыбыт экэниэмиэкэ миэрэлэрэ киирдилэр.
Мишустин маны сэргэ бүддьүөт кирэдьииттэрин реструктуризациялааһынтан үбү Уһук Илин эрэгийиэннэрин гаастааһыҥҥа ыытыллыан сөбүн эттэ.
“Уһук Илин федеральнай уокурук субъектарын гаастааһын таһыма олус намыһах, ол иһин бырабыыталыстыба гаастааһын эрэгийиэннээҕи бырагыраамаларын үбүлээһин боппуруоһун, бүддьүөт үбүн реструктуризациялааһынтан босхоломмут үбү ыытыахха сөбүн көрөр”, — диэтэ премьер.
Бырабыыталыстыба баһылыга миниистирдэр кэбиниэттэрэ Путин Камчатканы гааһынан хааччыйыыга сорудаҕын толорорго күүһүн ууруоҕа диэн эрэннэрдэ. “Быйыл күһүн биэдэмистибэлэр эрэгийиэни гааһынан хааччыйыы чопчу былаанын торумнуохтаахтар”, — диэтэ кини.
Мишустин Путины Уһук Илин ФУо түөр тэрэгийиэнигэр сырыытын кылгастык кэпсээтэ. Мишустин этэринэн, кини хас биирдии субъекка баар кыһалҕалары көрбүт. “Уһук Илиҥҥэ аныгы балыыһалар, поликлиникалар наадалар, саҥардыы ирдэнэр. Холобур, Чукотка уокуруктааҕы балыыһатыгар саҥа тэрил наада, Камчатка кыраайдааҕы балыыһатын тутуутун түмүктүөххэ”, — диэтэ премьер. Бырабыыталыстыба баһылыга Магадаҥҥа уобаластааҕы искэҥ диспансерын саҥардыыны түмүктүүрү түргэтэтэр туһунан эттэ.
Атын кыһалҕалаах эйгэлэр тустарынан этэригэр Мишустин эрэгиийэни уотунан хааччыйыыны ыйда. Кини уот сыанатын сөптөөх таһымҥа тутары өйүүргэ эрэннэрдэ. Маны сэргэ уокурукка тэпилииссэ хаһаайыстыбаларын тутууну өйөөһүнү аҕынна.
Бэлэмнээтэ Женни СТРЮКОВА
Хаартыска: тустаах саайтан