РФ бырабыыталыстыбата медицина үлэһиттэригэр эбии төлөбүрү көрдө

Бөлөххө киир:

Коронавируһу утары үлэлии сылдьар медицина үлэһиттэригэр страховой төлөбүр быһыытынан федеральнай бүддьүөттэн эбии 10,7 млрд солкуобай барыаҕа. Бу туһунан РФ бырабыыталыстыбатын дьаһала таҕыста.

РФ бэрэсидьиэнэ Владимир Путин ыйааҕынан 2020 сылтан коронавируһу эмтиир быраастарга, медицина атын үлэһиттэригэр, ону сэргэ суһал көмө суоппардарыгар страховой төлөбүр анаммыта. Былырыын федеральнай бүддьүөттэн 22,2 млрд солкуобай суумалаах төлөбүр барбыта. Быйыл медицина үлэһиттэрэ уопсайа 11 млрд солкуобайдаах көмөнү ылбыттар.

РФ бырабыыталыстыбатын бэрэссэдээтэлэ Михаил Мишустин этэринэн, бу эбии төлөбүр Арассыыйа резервэтин пуондатыттан төлөнөр, сыл аҥардааҕы үбүлээһини барытын сабыахтаах.

Аграфена КУЗЬМИНА

+1
0
+1
0
+1
0
+1
0
+1
0
+1
0
+1
0