РФ Бэрэсидьиэнэ чэпчэтиилээх ипотека ставкатын 7%-ҥа диэри түһэрэргэ соруйда

2022 сылга дьиэни ипотекаҕа ылыы таһыма былырыыҥҥыттан аҕыйыа суохтаах.

Маныаха эбии мэхэньиисимнэри толкуйдуурга РФ Бырабыыталыстыбатыгар уонна Киин Бааҥҥа атырдьах ыйын 15 күнүгэр диэри тустаах сорудах бэрилиннэ. Бу туһунан Кремль саайтыгар тахсыбыт дьаһалга сурулунна.

Итиэннэ миниистирдэр кабинеттара от ыйын 25 күнүгэр диэри чэпчэтиилээх ипотека ставкатын 9%-тан 7 %-ҥа тиийэ түһэрэн уларытыылары киллэриэхтээх. Бу туһунан докумуоҥҥа РФ премьер-миниистирэ Михаил Мишустин илии баттаабыта.