Резиденнэр «Егор Чээрини» Арассыыйа көрөөччүтүгэр чугаһаттылар

Ааптар: 
Бөлөххө киир:

«Магдис» киинэ устуудьуйата — креативнай индустрия салаатыгар үлэлиир “Үлэ кыбаартала” кластер биир тарбахха баттанар бастыҥ резиденэ.  

РФ бэрэсидьиэнин Уһук Илиҥҥэ боломуочунай бэрэстэбиитэлэ Юрий Трутнев кластеры кытта билсиһиитин кэмигэр устуудьуйа үлэһиттэрэ режиссер Дмитрий Кольцов “Егор Чээрин” уус-уран киинэтин көрдөрүүгэ бары ханаалынан үлэ ыытан, киэҥ араҥаҕа тахсан, Арассыыйа көрөөччүтүгэр чугаһаппыттарын сырдаттылар.

Устуудьуйа Саха сиригэр 2010  сылтан үлэлиир. «Рядовой Чээрин» уус-уран киинэ билигин Арассыыйа тэлэбиидэнньэтин бары кэриэтэ ханаалларыгар көстөр буолла. Биллэн турар, эрэгийиэннэр киин куораттарын киинэни сэҥээрээччилэрэ ньиэмэстэри кытта сэриилэһэ сылдьар саллаат бэйэтин дьонугар  өстөөхтөр суолталаах дьайыыларын рациянан сахалыы тойугунан тиэрдэрин сонургуу көрбүттэрэ, интэриэһиргээбиттэрэ чахчы.

«СӨ  сайдыытын корпорацията» ААУо генеральнай дириэктэрэ Афанасий Саввин уус-уран киинэ продюсердарын көдьүүстээх үлэлэрин туһунан бу курдук кэпсээтэ:

«Егор Чээрин» киинэни соторутааҕыта ютубка киллэрээттэрин кытта 6 мөлүйүөн киһи көрдө. Күн аайы 200 тыһыынчаттан тахса киһи киирэн көрөр. Онон бүгүҥҥү күҥҥэ“Егор Чээрин” уус-уран киинэ байыаннай киинэ эйгэтигэр дьон интэриэһиргиир киинэлэриттэн  бастакы миэстэҕэ сылдьар.

Елена ПОТОЦКАЯ, “Саха сирэ” хаһыат, edersaas.ru

 Хаартыскаҕа ааптар түһэриитэ.

+1
0
+1
0
+1
0
+1
0
+1
0
+1
0
+1
0