Режиссер Дмитрий Давыдов наҕараадаларын оскуола мусуойугар туттарда

Бөлөххө киир:

«Кинотавр» киинэ бэстибээлин муҥутуур кыайыылааҕа, «Меридианы Тихого» диэн АТР дойдуларын аан дойдутааҕы киинэ бэстибээлин «Көрөөччү биһирэбилэ» бириис хаһаайына, режиссер Дмитрий Давыдов бэйэтин наҕараадаларын  оскуола мусуойугар туттарда.

Мусуой Амматааҕы иккис нүөмэрдээх орто оскуолаҕа баар. Дмитрий Давыдов бу оскуолаҕа 2004 сылтан  учууталлаабыта. Оскуола мусуойун сэбиэдиссэйэ Раиса Захарова кэллиэгэтигэр сыаналаах бэлэхтэрин иһин махтанна.

«Биһиги Дмитрий Леонидовичка маннык сыаналаах бэлэхтэрин иһин махтанабыт. Ол курдук, кини «Кинотаврга» уонна да атын бэстибээллэргэ кыайбыт кубоктарын бэлэх уунна. Мусуойга инникиктин Дмитрий Давыдовка аналлаах  экспозицияны  оҥоруохпут», — диэн  Раиса Захарова эттэ.

edersaas.ru
Хаартыска, сонун: https://www.instagram.com/p/CMwx9IIs4OC/
+1
0
+1
0
+1
0
+1
0
+1
0
+1
0
+1
0