Режиссер Андрей И хаайыыга киирэ сырытта

Ааптар: 
Бөлөххө киир:

   Андрей И диэн псевдонимынан киэҥник биллэр режиссер, артыыс, «Искатели» телебырайыак ыытааччыта, айанньыт уонна чинчийээччи Андрей Хорошев Дьокуускай куораттааҕы 1 №-дээх кытаанах режимнээх холуонньаҕа киирэ сырытта. Бу туһунан РФ Накаастабылы толорор федеральнай сулууспатын Саха сиринээҕи управлениетын пресс-сулууспата иһитиннэрэр. 

                                                                                                                                                   Вера МАКАРОВА, «Саха сирэ», https://edersaas.ru/

Кини манна СӨ Уопсастыбаннай палаататын өрөспүүбүлүкэ имиджин оҥорууга уонна туризмы сайыннарыыга хамыыһыйатын бэрэссэдээтэлин быһыытынан сырытта.

Холуонньа начальнига, ис сулууспа полковнига Виталий Николаевтыын көрсүһэн, учреждение Попечительскай сэбиэтин үлэтин туһунан кэпсэттилэр. Бу сэбиэти киин куорат Промышленнай уокуругун управатын бэрэссэдээтэлэ Александр Подголов салайар.

Көрсүһүүгэ уопсастыбаннас уонна муниципальнай былаас холуонньа олоҕор тугунан, хайдах көмөлөһүөхтэрин сөбүн ырытыстылар. Оҥорон таһаарыы секторыгар, хаайыылаахтар дьарыктаах буолууларыгар туох төһүү буолуон сөбүн туһунан санааларын атастастылар.

Ол кэнниттэн Андрей Хорошев холуонньа начальнига арыалдьыттаах сылдьан, учреждение сүрүн эбийиэктэрин — медицинскэй чааһы, этэрээттэр уопсай дьиэлэрин, харантыын отделениетын, оҥорон таһаарыы сыахтарын кэрийэн көрдө.

Көрсүһүү түмүгэр Виталий Николаев кинини Попечительскай сэбиэт сотору буолуохтаах мунньаҕар кыттарга ыҥырда.

Вера МАКАРОВА, «Саха сирэ», https://edersaas.ru/

+1
0
+1
0
+1
0
+1
0
+1
0
+1
0
+1
0