Рецидивист полицейскайы хаста да охсон хаайыыга барда...
Бэрээдэк - Олох-дьаһах

Рецидивист полицейскайы хаста да охсон хаайыыга барда

Аллайыаха улууһугар урукку сылларга ураты ыар буруйдары оҥорон, хаста да хаайыыга олоро сылдьыбыт киһиэхэ суут бириигэбэрэ таҕыста. 

edersaas.ru

Суут быһаарбытынан, былырыын алтынньы ыйга бу киһи итирэн баран уруулга олорон, суол быраабылатын кэспитигэр, полиция отделыгар аҕалбыттар. Административнай боротокуол толорорго.

Онуоха кабинекка олорон, бу киһийдэх ГИБДД иниспиэктэрин сирэйгэ алтаттан итэҕэһэ суохтук охсубут.

Суут кинини РФ Холуобунай кодексатын 318-с ыст. 1 чааһынан, ол эбэтэр, былаас бэрэстэбиитэлэ дуоһунаһын эбээһинэһин толорор кэмигэр олоҕор уонна доруобуйатыгар куттала суох күүһү туттууга, буруйдааҕынан билиммит.

Итиэннэ 2 сыл 6 ыйга кытаанах эрэсиимнээх холуонньаҕа көҥүлүн быһарга уурбут.

Бириигэбэр сокуоннай күүһүгэр киирэ илик, өрүттэр ааһыныахтарын сөп.

Бу туһунан СӨ Борокуратууратын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыска: интэриниэттэн.

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

один × один =