Үөрэнээччилэри уонна устудьуоннары улахан күрэскэ кыттарга ыҥыраллар
Оскуола үөрэнээччилэрэ уонна устудьуоннар «Большая перемена» бүтүн Арассыыйатааҕы күрэскэ кыттыахтарын сөп.
Үөрэнээччилэргэ улахан, киэҥ хабааннаах күрэскэ регистрацияланыы бэс ыйын 15 күнүгэр диэри ыытыллар. «Улахан перемена» — «Россия — страна возможностей» президентскэй платформа бырайыага. Бу туһунан Саха сирин эрэгийиэнин салайар киин иһитиннэрэр. Күөн күрэс хас биирдии кыттааччы күүстээх өрүтүн быһаарарыгар уонна дьоҕурун, талаанын арыйарыгар кыаҕы биэрэр сыаллаах ыытыллар.
8-10 кылаас үөрэнээччилэрин уонна кэллиэс устудьуоннарын ортотугар кыайыылаахтарынан тахсыбыттар, бэйэлэрин сайыннаралларыгар уонна үөрэнэллэригэр анаан харчынан бириэмийэлэри тутуохтара.
Күөн күрэскэ быйыл тас дойдуттан нуучча тылын үөрэтэр уонна Арассыыйаҕа үөрэнэр санаалаах эрдэҕэс оҕолор (подросток) кыттыахтарын сөп. Кинилэргэ сорудахтар нуучча тылынан бэриллэллэр. Оттон 100 кыайыылаах Арассыыйа үрдүк үөрэҕин кыһаларыгар үөрэнэр кыаҕы ылыа.
Тэрийээччилэр куонкурус бастакы түһүмэҕэ дистанционнай көрүҥүнэн ыытылларын иһитиннэрэллэр. Тест кэнниттэн куонкурус кыттыылаахтара 12 хайысхаттан биири талаллар уонна сорудаҕы толороллор. Хамаанданан күрэс түһүмэҕэр куонкурустаһааччылар хамаанданы уонна настаабынньыгы кыттарга ыҥырыахтарын сөп. Үрдүкү кылаас оҕолоругар очнай полуфинал федеральнай уокуруктарынан ыытыллыа, оттон түмүктүүр күрэс 2021 сыл сэтинньи ыйыгар «Артекка» ыытыллыа.
Улахан куонкуруска кыттарга официальнай сайт: https://bolshayaperemena.online/.
+1
+1
+1
+1
+1
+1
+1