Саха АССР 100 сыла

“Үөрэнээччилэргэ бэрт көҕүлээһин саҕаланна”

СӨ Ил Дархана Айсен Николаев Саха АССР 100 сылынан биир кэлим эксээмэннэрин 100 баалга туттарбыт оҕолорго 100 тыһ. солк. көрөр туһунан быһаарда. Төрөппүттэр туох санаалаахтарый?

edersaas.ru

Якутия 24 информационнай ханаал шеф-эрэдээктэрэ Ньургуйаана Егорова:

— Олох суолугар саҥа үктэнэр, устудьуон аатын сүгэр дьоҥҥо 100 тыһ. солк. улахан көмө дии саныыбын. Ким эрэ айанын төлөбүрүн уйунуо, ким эрэ төлөбүрдээххэ киирдэҕинэ хайа эрэ чааһын толуйуо, ким эрэ таҥас-сап атыылаһыа. Ама куһаҕан үһү дуо? Мин санаабар, бэрт өйөбүл. Арай, арыый эрдэлээн биллэрбитэ буоллар дуу диибин. Сарсын номнуо литэрэтиирэҕэ, химияҕа, географияҕа эксээмэннэр буолаллар. Ыам ыйын 30 күнүгэр – нуучча тылыгар эксээмэн, эмиэ бу кэллэ. Эрдэттэн бэлэмнээх оҕолор сүүс баалга туттарыахтарын сөп.

Үтүө өйөбүл кэлэр да сылларга салҕанан барара буоллар кэнэҕэһин туттарар оҕолорго чахчы 100 баалга көҕүлүүр күүһүнэн буолуох этэ, — диэн санаатын үллэһиннэ.

 

Людмила ПОПОВА, “Саха сирэ” хаһыат, edersaas.ru

 

0
0
Telegram @edersaas20