Кулун тутар 12-14 күннэригэр Дьокуускайга мас тардыһыытыгар биирдиилээн бастыыр иһин өрөспүүбүлүкэтээҕи күрэхтэһии ыытылынна.
Манна Мэлдьэхси нэһилиэгин академик А.В. Чугунов аатынан орто оскуолатын үөрэнээччилэрэ чаҕылхайдык кытыннылар. Ол курдук, 10-с кылаас үөрэнээччитэ Гавриил Павлов уонна 9-с кылаас үөрэнээччитэ Ксюша Игнатьева чөмпүйүөннээтилэр. Оттон 10-с кылаас үөрэнээччитэ Марик Сыромятников үһүс миэстэ буолла.
Ити курдук, биһиги оҕолорбут, тириэньэрдэрэ Павел Петрович Кычкин дьаныардаахтык дьарыктаан, өрөспүүбүлүкэҕэ ситиһиилэннилэр. Эҕэрдэлиибит!
Надежда АНДРОСОВА,
Мэҥэ Хаҥалас улууһа,
Мэлдьэхси.