Үөрэнээччилэр «сыыппара уруоктарыттан» тугу билиэхтэрэй?

Ааптар: 
Бөлөххө киир:

Өрөспүүбүлүкэҕэ тохсунньу 17 күнүттэн олунньу 6 күнүгэр диэри оскуола 1-11 кылааһын үөрэнээччилэригэр Арассыыйатааҕы үөрэх бырайыагын иитинэн, «Кибератаакалары чинчийии» тиэмэтигэр «Сыыппара уруоктара» ыытыллыахтара.

«Сыыппара уруогар» оҕолорго интэриниэккэ киирдэххэ куттал суох буолуутугар туһаайан сүрүн наадалаах боппуруостары быһаарыахтара. Маны сиһилии билии билиҥҥи цифровой технология үйэтигэр олус наадалааҕын СӨ Бырабыыталыстыбатын бэрэсэдээтэлин солбуйааччы Сергей Местников бэлиэтээтэ.

Интерактивнай уруоктар онлайн-оонньууларынан алын сүһүөх, орто, үрдүкү кылаас үөрэнээччилэригэр, саастарынан арахсан үс бөлөҕүнэн ыытыллыахтара. Дьарыктар үп-харчы эйгэтигэр кибератаакалары чинчийиигэ туһуланаллар. Үөрэнээччилэр буортулаах бырагыраамалар хоромньулары оҥороллорун тустарынан билиэхтэрэ, операционнай систиэмэни, сыһыарыыны саҥардан биэрии наадатын туһунан үөрэтиэхтэрэ, интэриниэт ситиминэн кэлэр фишинговай суруктары (албынныыр-түөкэйдиир суруктары) көннөрү суруктартан араара үөрэниэхтэрэ.
«Информационнай куттал суох буолуутугар үөрэтии сүрүннэрин, интэриниэт ситимигэр бастакы киириэхтэн билэллэрэ наада. Ордук интэриниэт ситимигэр мөкү, хара санаалаахтары арааран билэргэ. Үрдүкү кылаас үөрэнээччилэрэ «Сыыппара уруоктарын» кэнниттэн Арассыыйаҕа 2022 сылтан саҕаланар IT-куурустарга салгыы босхо үөрэниэхтэрин сөп», — диэн этиллэр.
Бүтүн Арассыыйатааҕы «Сыыппара уруога» бырайыак 2018 сыл ахсынньытыттан саҕаламмыта. Тэрийээччилэр – РФ цифровой сайдыыга министиэристибэтэ РФ үөрэх министиэристибэтин кытта, «Цифровая экономика» АНО, «Лаборатория Касперского» АО, уо.д.а.
+1
0
+1
0
+1
0
+1
0
+1
0
+1
0
+1
0