Маннык быһыы-майгы биллибэтинэн атын да оскуолаларга баар буолуон сөп.
Вера МАКАРОВА, «Саха сирэ» хаһыат, edersaas.ru
Сунтаар улууһугар 9-с кылаас үөрэнээччитигэр суут бириигэбэрэ тахсыбытын СӨ Борокуратууратын пресс-сулууспата иһитиннэрдэ.
Суут быһаарбытынан, бу үөрэнээччи бииргэ үөрэнэр оҕолоругар күүһү туттан туран, кэмиттэн кэмигэр хас биирдиилэриттэн 200 солк. харчыттан кырата суох сууманы түүрэйдээн былдьыы сылдьыбыт. Төлүүртэн аккаастаммыт оҕону охсор-тэбэр, кэһэтэр эбит. Инньэ гынан, оҕолор төрөппүттэриттэн кистии-кистии бу уолга харчы таһа сылдьыбыттар.
Суут мунньаҕар буруйун төһө да билиммэтэҕин иһин, буруйа толору дакаастаммыт.
Суут кинини РФ Холуобунай кодексатын 163-с ыст. 2-с чааһын «в» пуунунан буруйдааҕынан билинэн, 3 сылга көҥүлүн быһары усулуобунайынан ааҕан, 2 сыл тургутар болдьоххо уурбут. Бириигэбэр сокуоннай күүһүгэр киирбит.
Бу холуобунай дьыала борокуратуура бэрэбиэркэтин түмүгүнэн тэриллибит.
Вера МАКАРОВА, «Саха сирэ» хаһыат, edersaas.ru
Хаартыска: интернеттэн.