Таатта улууһун полициятыгар биир оскуола дириэктэрэ эрийэн, кини кэбиниэтиттэн суотабай төлөпүөнүн уорбуттарын эппит.
Вера МАКАРОВА, «Саха сирэ» хаһыат, https://edersaas.ru/
13 тыһ. солк. сыаналаах төлөпүөн эбит. Оперативниктар уорбаланаччы быһыытынан, бу оскуолаҕа үрдүкү кылааска үөрэнэр уолу туппуттар. Быһаарыллыбытынан, уол кэбиниэккэ дириэктэр суоҕун көрөн, төлөпүөнүн сойботон тахсыбыт. Уонна сим-каартатын ылан быраҕан баран, бэйэтин киэнин туруоран, хас да күн тутта сылдьыбыт. Полицейскайдар ол сим-каарта ким аатыгар суруллубутун быһааран (уол аймаҕын аатыгар эбит), ким уорбутун эндэппэккэ билбиттэр.
Бу чахчынан «уоруу» ыстатыйанан холуобунай дьыала тэриллибитин СӨ ИДьМ-тын пресс-сулууспата иһитиннэрдэ.
Вера МАКАРОВА, «Саха сирэ» хаһыат, https://edersaas.ru/
Хаартыска: интернеттэн.