Үстэ төхтүрүйэн ойууга – рекорд!
Мэҥэ Хаҥаластан сылдьар Георгий Шергин үстэ төхтүрүйэн ойууга 15,5 миэтэрэҕэ ойон Саха Өрөспүүбүлүкэтин саҥа рекордун олохтоото.
Сардаана уочараттаах ситиһиитэ
Биллэр марафонец Сардаана Трофимова Үөһээ Бүлүү улууһуттан күрэхтэстэ. Кини 5000 м дистанцияҕа 16 мүн 31,36 сөк көрдөрүүлээх биэтэккэ кэлэн рекорд олохтоото уонна Спартакиада бастакы кыһыл көмүс мэтээлин хаһаайынынан буолла.
Артур Бурцев саҥа рекорда
Уус Алдан хамаандатын спортсмена Артур Бурцев 10 000 м сүүрүүгэ Саха сирин рекордун олохтоото. Кини биэтэккэ 31 м 47,80 сөк. кэлэн хамаандатыгар кыһыл көмүс мэтээли аҕалла.
Аммалар эстафетаҕа иннилэрин биэрбэтилэр
Амма сүүрүүк уолаттара Роман Алексеев, Иван Шергин, Михаил Жарин уонна Леонид Филиппов шведскэй эстафетаҕа (800х400х200х100 м) 3 мүн 21,15 сөк кэлэннэр саҥа рекорду олохтоотулар.
