Ааспыт өрөбүлгэ Дьокуускайга сокуоннай сааһын ситэ илик оҕолор буруйу оҥорууларын сэрэтэр түүҥҥү рейдэ ааста. Бу рейдэ оҕолор түүҥҥү кэмҥэ сылдьар миэстэлэрин, уулуссаларын бэлиэҕэ ылар сыаллаах ыытыллыбыта.
edersaas.ru
Бу тэрээһин кэмигэр полиция түүн сокуоннай бэрэстэбиитэлэ суох сылдьар 41 оҕону тутта, олортон иккитэ арыгы испит эбит. Тутуллубут ыччаттартан 10 оҕо өрөспүүбүлүкэ оройуоннарыттан киирэ сылдьар. Рейдэ түмүгүнэн 28 бэрээдэги кэһии туһунан боротокуол толоруллунна, төрөппүттэрин кытта өйдөтүү үлэ ыытыллара күүтүллэр. Улуустан кэлбит оҕолор төрөппүттэрин административнай эппиэтинэскэ тардар туһунан матырыйаал улуустарыгар тарҕатылынна.
Сайын устата бу курдук сыаллаах 34 түүҥҥү рейдэ ыытыллыбыт.
Хаартыска: news.ykt.ru
Егор Карпов, «Саха сирэ» хаһыат, edersaas.ru
+1
+1
+1
+1
+1
+1
+1