Саха сирин бары тэрилтэлэригэр санитарнай-гигиеническэй быраабылалар төһө тутуһуллалларын хонтуруоллуур бэрэбиэркэлэр ыытыллаллар.
Ол курдук, алтынньы 9-11 күннэригэр 163 атыы-эргиэн, уопсастыбаннай аһыыр, сынньанар кииннэри көрдүлэр-иһиттилэр. Мантан 70 Дьокуускай иһигэр баар тэрилтэлэргэ сырыттылар. Бу туһунан СӨ бырабыыталыстыбатын бэрэссэдээтэлин солбуйааччы э.т. Михаил Никифоров брифинг кэмигэр иһитиннэрдэ.
«Рейдэ кэмигэр сокуону кэһии тахсыбатын туһуттан профилактическай кэпсэтии барар. Хонтуруоллуур уорганнар барыта 10 акты уонна 23 боротокуолу толордулар», — диэн Михаил Никифоров эттэ.
Күннэтэ ыытыллар рейдэлэр Ил Дархан Айсен Николаев дьаҥ тарҕамматын туһуттан үрдүк бэлэмнээх буолуу ыйааҕыгар олоҕуран ыытыллаллар.
Михаил Никифоров брифинг кэмигэр 400 кв.м. элбэх иэннээх тэрилтэлэр хас бэнидиэнньик аайы 8 чаастан 12 чааска диэри дезинфекциялыыр сириэстибэлэринэн сууйуу-сотуу үлэтин ыытыахтаахтарын санатта. Итиэннэ 400 кв.м. кыра иэннээх тэрилтэлэр хас өрөбүл аайы 8 чаастан 12 чааска диэри эмиэ сууйуу-сотуу үлэтин ыыталлара ирдэнэрин санатта.
Ил Дархан уонна Бырабыыталыстыба пресс-сулууспата.
Андрей Сорокин хаартыската, СИА.