Бэҕэһээ бассаап ситиминэн икки тыраахтар дириҥ баҕайы ууну кэстэрэн туораан иһэр хаартыскалара тарҕаммыта уонна Мытаахха диэн суруктааҕа.
Чуолкайдаһаары, Горнай улууһун Мытаах нэһилиэгин баһылыга Иван Петровка эрийэ сырыттыбыт.
— Кырдьык, ити биһиги отчуттарбыт кыра сирдэрин оттоон баран, атын улахан ходуһаларыгар көһөн иһэр видеолара. Кэнники күннэргэ олус ардаан, үрэхтэр уулара киирдэ. Хондураайы уонна Харыйалаах. Былырыыҥҥы баһаар содула да баар. Дьиҥэ, от үүнүүтэ куһаҕана суох эрээри, аҥаардара ууга сыталлар. Мантан күһүн уута таттаҕына оттуохпут. Онтон салгыы ардыы турар буоллаҕына, уустук буолсу. Ходуһаларга барар-кэлэр суолларбыт даҕаны ити курдук ардахтан мөлтөөтүлэр, — диэн чопчулаата Иван Егорович.
Бэлэмнээтэ: Женни Стрюкова
+1
+1
+1
+1
+1
+1
+1