Үөрэх уонна наука миниистирэ коронавируһу утары охсуһууга мунньаҕы ыытта
Бүгүн, муус устар 26 күнүгэр, СӨ Үөрэҕин уонна наукатын миниистирэ Михаил Сивцев коронавируһу утары охсуһар суһал ыстаап мунньаҕын үөрэх салайааччыларын кытта ыытта.
edersaas.ru
Миниистир бырааһынньыктааҕы уонна сынньалаҥ күннэргэ оскуола үөрэнээччилэрин сырыытын аҕыйатарга диэн сорудаҕы оскуола диэриэктэрдэригэр, үөрэх салайааччыларыгар биэрдэ.
—Роспотребнадзор ирдэбилинэн бары үөрэх эбийиэктэригэр тэрээһиннэри тохтотон турабыт. Улуус иһигэр уонна муниципальнай тэрээһиннэр икки ардыларыгар сырыылары тохтотуохха. Кылаастар уонна бөлөхтөр икки ардыларыгар көрсүһүү бобуллар. Кыраныысса таһыгар сылдьыбыт бары үлэһиттэр, үөрэнээччилэр бэйэни хааччахтаныыга олоруохтаахтар, – диэн минииистир тоһоҕолоон эттэ.
Мунньахха 18 тыһыынча үөрэх эйгэтин үлэһитэ коронавируһу утары быһыыны ылла диэн Михаил Сивцев иһитиннэрдэ.
Виктория Бястинова, edersaas.ru саайт, «Саха сирэ» хаһыат.
Хаартыска yakutia-daily.ru