Саха сиригэр 1236 үөрэх тэрилтэтэ баарыттан 1225-һэ, ол иһигэр 619 оскуола баарыттан 611 оскуола (99%), 478 оҕо саада баарыттан 474 уһуйаан (99%) уонна 97 эбии үөрэхтээһин тэрилтэтэ быйылгы үөрэх дьылыгар бэлэмнэр.
Ил Дархан Айсен Николаев үөрэх дьылын саҕаланыытыгар оскуолалары, уһуйааннары болдьоҕор бэлэмнииргэ, тутуу үлэлэрин бүтэрэргэ, анал тэриллэри туруорарга, каадырдарынан хааччыйарга сорудахтаабыта.
Бу күннэргэ 8 оскуолаҕа хапытаалынай өрөмүөн түмүктэнэн эрэр. Үөһээ Бүлүүтээҕи 1-кы №-дээх, Үөһээ Бүлүүтээҕи лиссиэй-интэринээт, Сангаар, Догдоҥо, Өктөм, 2-с Дьөппөн орто оскуолаларыгар федеральнай бүддьүөт, Халбаакы, Баппаҕай оскуолаларыгар муниципальнай бүддьүөт суотуттан өрөмүөн оҥоһулунна.
Өрөспүүбүлүкэ 25 улууһугар уонна куоратыгар 58 үөрэх тэрилтэтин саҥардыы уонна хапытаалынай өрөмүөнү оҥоруу бырагыраамата үлэлиир. 2022 сылга 38 эбийиэк, 2023 сылга хаалбыт 20 эбийиэк өрөмүөннэрэ бүтүөхтээх.
Ангелина Васильева, “Саха сирэ” хаһыат, edersaas.ru
Хаартыска: sakhagov.ru