«Үөрэх» национальнай бырайыагынан өрөспүүбүлүкэҕэ өссө 12 мастарыскыайы аһыахтара.
Быйыл Нам педагогическай кэллиэһигэр, тырааныспар, Уус Алдан тиэхиньикумнарыгар, Чурапчыга аграрнай-технологическай кэллиэскэ, технология уонна дизайн Дьокуускайдааҕы кэллиэһигэр 12 мастарыскыай аһыллыа. Бу «Үөрэх» национальнай бырайыак «Эдэр профессионаллар» федеральнай бырайыак иитинэн ыытыллар.
Кэнники үс сылга өрөспүүбүлүкэҕэ орто анал үөрэх тоҕус кыһатыгар 43 мастарыскыай тэрилиннэ. Үбүлээһин кээмэйэ 369 мөл. солк., итинтэн 318 мөл. солк. – федеральнай субсидия.
2020 сылга үс орто анал үөрэх кыһатыгар каадырдары бэлэмнээн таһаарарга 15 мастарыскыай тэриллибитэ.
Дьокуускайдааҕы сибээс уонна энергетикэ кэллиэһигэр биэс мастарыскыай «Информационнай-коммуникационнай технологияларга» «Информационные кабельные сети», «Машинное обучение и большие данные», «Веб-дизайн и разработка», «Разработка мобильных приложений» уонна «Кибербезопасность» компентенцияларынан. Маны сэргэ, Дьокуускайдааҕы индустриальнай-педагогическай, Покровскайдааҕы кэллиэстэр мастарыскыайдаммыттара.
2021 сыллаахха 28 мастарыскыай алта үөрэх кыһатыгар: Мииринэйгэ эрэгийиэннээҕи тэхиньиичэскэй кэллиэскэ, соҕуруулуу-Саха сирин технологическай кэллиэһигэр, Дьокуускайдааҕы мэдиссиинэ кэллиэһигэр, Үөһээ Бүлүү, Жатай техникумнарыгар, ХИФУ информационнай технологияларга кэллиэһигэр.
Саҥа мастарыскыайдар устудьуоннарга үлэҕэ чугаһыыр кыаҕы биэрэллэр.
Үөрэх министиэристибэтин сүрүн исписэлииһэ Степан Степанов этэринэн, тэриллибит мастарыскыайдар үөрэх хаачыстыбатын үрдэтэргэ, үлэҕэ күрэстэһэр кыахтаах ыччаты бэлэмнээн таһаарарга, преподавателлэри уонна производственнай үөрэх маастардарын састаабын күүһүрдэргэ быһаччы сабыдыаллаахтар.
Өрөспүүбүлүкэҕэ 2022-2024 сылларга 207 мөл.солк. тахса суумаҕа 42 мастарыскыай тэриллиэхтээх, итинтэн 2022 сылга — 12 мастарыскыай 61 мөл.солк., 2023 сылга — 15 мастарыскыай 67 мөл.солк. уонна 2024 сылга — 15 мастарыскыай 78 мөл. солк.тахсаҕа.
+1
+1
+1
+1
+1
+1
+1