СӨ Үөрэх уонна наука министиэристибэтэ оҕо саадтарын арыйан үлэлэтии туһунан ыйытыыларга хоруйдуур.
Балаҕан ыйын 1 күнүттэн тустаах министиэристибэ социальнай ситимигэр отучча ыйытыы, чопчулааһын киирбит.
Бүгүҥҥү күҥҥэ 219 тэрилтэттэн (11266 иитиллээччи), күннээҕи эрэсииминэн 186 тэрилтэ үлэлиир. Дьуһуурунай бөлөхтөр 33 тэрилтэҕэ (64 бөлөх, 735 оҕо) үлэлииллэр.
Онтон атын оҕо саадтара бары муниципальнай оройуоннарга оттук кэмэ саҕаланнаҕына, балаҕан ыйын 10 күнүгэр диэри, аһыллыахтара. Арай, Үөһээ Бүлүү уонна Уус Алдан улуустарыгар, коронавирус дьаҥыттан эпидемиологическай балаһыанньа уустугунан, улуустааҕы суһал ыстааптар быһаарыыларынан, балаҕан ыйын 15 күнүттэн үлэлиэхтэрэ.
Амма улууһугар оттук кэмин саҕалааһын тардыллыбытынан, оҕо саадтара балаҕан ыйын 14 күнүгэр арыллаллар. Тулагытааҕы «Кэнчээри» оҕо саадыгар бөҕөргөтөр-чөлүгэр түһэрэр үлэлэр ыытыллаллар. Тэрилтэ үлэтин бу ый 30 күнүттэн саҕалыыр былааннаах.
СӨ Үөрэх уонна наука министиэристибэтин пресс-сулууспата
+1
+1
+1
+1
+1
+1
+1