Үөрэх миниистирэ тутуулары көрдө, үлэ хаамыытын билистэ

Ааптар: 
Бөлөххө киир:

СӨ Үөрэҕин уонна наукатын миниистирэ «Демография» национальнай бырайыагынан ыытыллар тутуулары көрдө, үлэ хаамытын билистэ.

Бэҕэһээ, ыам ыйын 8 күнүгэр, СӨ Үөрэҕин уонна наукатын миниистирэ Михаил Сивцев Дьокуускай куорат Новопортовской түөлбэтигэр тутулла турар 240 миэстэлээх уһуйааҥҥа сырытта. Былаан быһыытынан тутуу 2021 сыл ахсынньы ыйыгар үлэҕэ киириэхтээх. Бу туһунан СӨ Үөрэҕин уонна наукатын министиэристибэтин пресс-сулууспата иһитиннэрдэ.
«Өрөспүүбүлүкэҕэ быйыл 14 уһуйаан үлэҕэ киллэриллиэхтээх. Итинтэн аҕыһа «Демография» национальнай бырайыагынан тутуллар. Маны сэргэ, Дьокуускай куорат 203 микрооройуонугар 85 миэстэлээх уһуйаан уонна Кангаласска 320 миэстэлээх оскуола-саад дьэндэһиэхтэрэ», — диэтэ Михаил Сивцев.
Миниистир, маны сэргэ, «Главстрой» МКУ исписэлиистэрин кытта Дьокуускайга, куорат таһынааҕы уонна Хатас сэлиэнньэлэригэр эбии тутуулар ыытыллыахтаах былаһааккаларын көрдө. Оттон билигин Кыайыы күнүнэн бары оскуолаларга үгэс буолбут субуотунньуктар тиһиктээхтик салҕаналлар.
+1
0
+1
0
+1
0
+1
0
+1
0
+1
0
+1
0