Михаил Петрович Сивцев СӨ үөрэҕин уонна наукатын миниистирин дуоһунаһыттан баҕа өттүнэн босхолонно.
Ирина Павловна Любимова СӨ үөрэҕин уонна наукатын миниистирин э.т. ананна. Бу туһунан Ил Дархан иһитиннэрдэ.
Ирина Павловна Любимова алтынньы 30 күнүгэр 1970 сыллаахха Дьокуускай куоракка төрөөбүтэ. 1998 сыллаахха Саха государственнай университетын бүтэрбитэ. Москватааҕы педагогическай университет аспирана.
Үлэтэ:
1992-1994 сс. — Өймөкөөн оройуонун Үчүгэйигэр оҕо хамсааһынын тэрийээччинэн үлэлээбитэ;
1994-1995 сс. – Чурапчы оройуонун Кытаанах оскуолатыгар биология учууталынан үлэлээбитэ;
1995-1997 сс. — биология учуутала, Эдьигээн оройуонун Бэстээҕин оскуолатын дириэктэрэ;
1997-1999 сс. – Эдьигээн оройуонун үөрэҕин управлениетын методиһа;
1999-2008 сс. – дириэктэри солбуйааччы, Чурапчы оройуонун Кытаанаах орто оскуолатыгар дириэктэринэн үлэлээбитэ;
2008-2012 сс. — Чурапчы оройуонун үөрэҕин управлениетын начаалынньыгын солбуйааччы;
2012-2015 сс. — Дьокуускай куорат үөрэҕин управлениетын начаалынньыгын солбуйааччы;
2015-2018 сс. – С.Ф.Гоголев аатынан педагогическай колледж дириэктэрэ.
2018 сыл алтынньы 15 күнүттэн СӨ үөрэҕин уонна наукатын миниистирин 1-кы солбуйааччынан анаммыта.
edersaas.ru