СӨ үөрэҕин уонна наукатын миниистирэ Михаил Сивцев бүгүн аан бастакытын социальнай ситимнэр нөҥүө быһа сибээскэ таҕыста. Үөрэх үлэһиттэрин, үөрэнээччилэр, төрөппүттэр, биирдиилээн дьон ыйытыыларыгар хоруйдаата.
“РФ Үөрэҕириигэ министиэристибэтиттэн уопсай судаарыстыбаннай эксээмэн буолбатын туһунан суругу туппуппут, иһитиннэриини нэһилиэнньэҕэ киэҥник сырдаппыппыт. Ол эбэтэр быйыл 9-с кылааһы бүтэрээччилэр уопсай судаарыстыбаннай эксээмэни (ОГЭ) туттарбаттар”, — диэн эттэ. Итиэннэ аттестаттарыгар сыллааҕы сыана туруоҕа диэн быһаарда.
Онтон биир кэлим эксээмэн (ЕГЭ) туһунан: “Биир кэлим эксээмэн (ЕГЭ) буолар. Ол эрээри, быйыл үрдүк үөрэххэ туттарсар оҕолор, дьон эрэ туттараллар. Биир кэлим эксээмэн баала аттестакка, мэтээлгэ дьайбат. Аттестаты эксээмэн саҕаланыан иннинэ туттарыахтара”, — диэн чопчулаата. Маныаха дойду министиэристибэтиттэн нормативнай докумуон ыыталларын кэтэһэбит диэн иһитиннэрдэ.
Людмила ПОПОВА, “Саха сирэ” хаһыат, edersaas.ru
+1
+1
+1
+1
+1
+1
+1