Үөрэх миниистирэ «Арассыыйа — мин устуоруйам. Саҥа саҕахтар» пуорумҥа кытынна
Атырдьах ыйын 5-6 күннэригэр Казань куоракка «Арассыыйа — мин устуоруйам. Саҥа саҕахтар» федеральнай пуорум буолла. Тэрээһиҥҥэ эспиэрдэр «Үөрэх» наиональнай бырайыак иитинэн «Арассыыйа — мин устуоруйам» историческай пааркалар баазаларыгар үөрэхтээһин кииннэрин тэрийии уонна сайыннарыы былааннарын дьүүллэстилэр.
Арассыыйа эрэгийиэннэриттэн 85 эспиэр историческай пааркалар эрэгийиэннээҕи үөрэх тэрилтэлэрин кытары бииргэ үлэлээһиҥҥэ чопчу холобурдары аҕалаллар уонна саҥа бырайыактары билиһиннэрэллэр.
СӨ Үөрэх уонна наука миниистирэ Михаил Сивцев оҕолор идэҕэ таба тайаныыларыгар киин оруолун, экспозицияны тэрийиигэ биэдэмистибэлэри кытары бииргэ үлэлээһин туһунан сырдатта. «Биһиги оҕолорбутун дойду, төрөөбүт сир-уот устуоруйатын ытыктыы, билэ улааталларыгар сирдиэхтээхпит, иитиэхтээхпит. Арассыыйаҕа профессиональнай үөрэхтээһин үбүлүөйдээх сылын чэрчитинэн, өрөспүүбүлүкэҕэ профүөрэхтээһин тэриллиитин туһунан быыстапка оҥордубут. Өссө Саха сиригэр академическай наука сайдыытыгар ананар экспозицияны тэрийдибит. Наука уонна технология сылыгар биһиги бу үлэҕэ болҕомтобутун уурабыт», — диэтэ миниистир.
Икки күннээх пуорум түмүгүнэн, «Арассыыйа — мин устуоруйам» диэн дойду 22 эрэгийиэнигэр баар 23 устуоруйа пааркатын салайааччыларын кытары сөбүлэһиигэ илии баттанна. Бу туһунан СӨ Үөрэх уонна наука министиэристибэтин пресс-сулууспата иһитиннэрдэ.
+1
+1
+1
+1
+1
+1
+1