Үөрэх үлэһиттэрин Тохсунньутааҕы мунньаҕа буолуоҕа

Ааптар: 
21.01.2021
Бөлөххө киир:

Тохсунньу 25-28 күннэригэр СӨ үөрэҕин үлэһиттэрин үгэскэ кубулуйбут Тохсунньутааҕы мунньаҕа буолуоҕа. Хамсык дьаҥынан сибээстээн, тэрээһин онлайн көрүҥүнэн барыаҕа.

edersaas.ru

Ааспыт сыллаахха өрөспүүбүлүкэ үөрэхтээһинигэр хас даҕаны бэлиэ даата буолан ааста. Ол курдук, анал үөрэхтээһин 80 сылыгар аналлаах виртуальнай быыстапка, оскуола иннинээҕи үөрэхтээһин тэриллибитэ 100 сылын түмүктүүр тэрээһиннэр ыытыллыахтара, министиэристибэ ааспыт сыллааҕы үлэтин дакылаатын оҥоруохтара, саҥа соруктары туруоруохтара.

“Үөрэҕи сыыппараҕа киллэрии суолталаах хайысхалара”, “Оҕо доруобуйатын бөҕөргөтүү”, “Аныгы үөрэтэр мастарыскыай: саҥа кыахтар”, “Доруобай оҕо: саҥа кыахтар, саҥа быһаарыылар”, “Салайар уонна педагогическай каадыр идэтин ситимнээхтик сайыннарыы хаамыытын тэрийии”, уо.д.а. тэрээһиннэри былаанныыллар. Тохсунньутааҕы мунньах иитинэн суолталаах, туһалаах кынат-тэрээһиннэри эмиэ ыытыахтара.

Мунньах бырагырааматын сиһилии министиэристибэ саайтыгар https://minobrnauki.sakha.gov.ru/news/front/view/id/3257020 ыйыллыбыт сигэнэн киирэн көрүөххүтүн сөп.

Людмила ПОПОВА, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0