Сүрүн Үөрэх уонна наука

Үөрэх үлэһиттэрин тохсунньутааҕы мунньаҕа буолуоҕа

Тохсунньу 27-31 күннэригэр СӨ үөрэҕин үлэһиттэрин үгэскэ кубулуйбут тохсунньутааҕы мунньаҕа буолуоҕа. Тэрээһин сүрүн тиэмэтэ “Үөрэх хаачыстыбата: мэтиэдикэ өртүттэн көрүү”.

Мунньах бырагыраамата киэҥ, баай ис хоһоонноох итиэннэ үс суолга арахсар: “Үөрэх сүрүн бырагыраамата үөрэҕи тупсарыы үнүстүрүмүөнүн быһыытынан” (“ООП как инструмент совершенствования образования”), “Саҥардыллыбыт бырагыраамалар олоххо киирэллэригэр усулуобуйаны тэрийии” (“Создание условий реализации обновлённых программ”), “Үөрэх түмүгэр ирдэбиллэри киллэрии” (“Реализация требований к образовательным результатам”). Хайысхалар үһүөн үөрэх бары таһымыгар киириэхтэрэ уонна методическай сэминээр, онлайн лиэксийэ, “төгүрүк остуол”, бырайыактыыр сиэссийэ, дискуссиялыыр былаһаакка о.д.а. көрүҥүнэн барыахтара. Ону тэҥэ, бырагыраама иитинэн төрөппүт аһаҕас мунньаҕа, педагогтар идэлэрин таһымын үрдэтии куурустара, кыра саастаах оҕолоох төрөппүттэргэ аһаҕас былаһааккалар, “Бүтүн Арассыыйатааҕы педагогтар мунньахтарын” Саха сиринээҕи салаатын сэбиэтин мунньаҕа, СӨ үөрэҕин уонна билимин миниистирэ Ирина Любимова 2021 сыллааҕы киэҥ отчуота буолуоҕа.

Тохсунньутааҕы мунньах саха тылын үөрэтиигэ үөрэх платформатын сүрэхтээһининэн түмүктэниэҕэ.

Эпидемиологическай балаһыанньа бигэтэ суоҕунан, мунньах бары тэрээһиннэрэ Zoom уонна Youtube былаһааккаларыгар дистанционнай көрүҥүнэн барыахтара.

Үөрэх үлэһиттэрин тохсунньутааҕы мунньаҕын бырагырааматын сиһилии манна көр.

 

0
1
Telegram @edersaas20