Сыллата ыытыллар үөрэх үлэһиттэрин Атырдьах ыйынааҕы мунньаҕа быйыл хамсыгынан сибээстээн, онлайнынан барыаҕа. Ити туһунан СӨ Үөрэҕин уонна наукатын министиэристибэтин саайтыгар суруллар.
Хамсыгы тарҕаппат, ыарыыттан сэрэхтээх буолар туһугар үөрэх дьылын көрсө сыллата ыытыллар Саха сирин үөрэҕин үлэһиттэрин Атырдьах ыйынааҕы мунньаҕа бу ый 25-26 күннэригэр онлайнынан тэриллэр. Ол курдук, тэрээһин атырдьах ыйын 25 күнүгэр СӨ Ил Дархана Айсен Николаев кыттыылаах пленарнай мунньахтан саҕаланар. Быйылгы мунньах урукку сылларга курдук киэҥ бырагыраамалаах. “Качество образования”, “Модернизация воспитания”, “Цифровая трансформация”, “Подготовка кадров”, “Современная модель обучения” диэн хайысхаларынан “төгүрүк остуоллар”, сэминээрдэр, араас кэпстиилэр барыахтара. Итиэннэ төрөппүт аһаҕас мунньаҕынан түмүктэниэҕэ. Ону тэҥэ, өрөспүүбүлүкэтээҕи үөрэх тэрилтэлэрин онлайн-быыстапкалара тэриллиэҕэ.
Бырагырааматын сиһилии СӨ Үөрэҕин уонна наукатын министиэристибэтин саайтыгар https://minobrnauki.sakha.gov.ru/news/front/view/id/3205851 ыйыллыбыт сигэнэн киирэн көрүөххүтүн сөп.
“Саха сирэ” хаһыат, edersaas.ru