Тохсунньу 25 күнүнээҕи туругунан, Саха Өрөспүүбүлүкэтигэр оскуола иннинээҕи үөрэхтээһин тэрилтэлэрэ (802 уһуйаан) бары олоҕурбут көрүҥүнэн үлэлии тураллар.
Биэс уһуйааҥҥа быстах кэмҥэ 8 бөлөх сабыллан турар. Ол курдук, коронавирус ыарыыта булуллубутунан 4, ОРВИ уонна кириип ыарыы тарҕанар нуорматын аһарыынан 4 уһуйаан (Бүлүү улууһун Тааһаҕар сэлиэнньэтин “Мичээр”, Ленскэй куорат “Сардаана”, Булуҥ улууһун Найба сэлиэнньэтин “Тугутчаан”, Ленскэй куорат “Чебурашка”, Чурапчы улууһун Арыылаах сэлиэнньэтин уһуйааннара).
Олоҕурбут көрүҥүнэн (очно) 73, очнай-заочнай көрүҥүнэн 168, ыраахтан олорон (дистанционно) 400 оскуола үлэлиир.
Тымныы күннэринэн сибээстээн, актированнай күннэр 472 оскуолаҕа (5670 кылаас) үөрэх ыраахтан олорон (дистанционно) барар.
Тоҕус оскуолаҕа 9 кылааска быстах кэмҥэ үөрэх тохтоон турар. Ол иһигэр коронавирус ыарыыта булуллубутунан – 8, ОРВИ уонна кириип тарҕанар нуорматын аһарыынан – 1 (Дьокуускай куоракка – 2, Нерюнгри улууһугар – 5, Өлүөхүмэ улууһугар – 1, Аллайыаха улууһугар — 1).
Онтон орто анал үөрэх тэрилтэлэриттэн 19 кыһа ыраахтан олорон (дистанционно), 23 кыһа смешаннай көрүҥүнэн үлэлиир. Олоҕурбут көрүҥүнэн (очно) Аллараа Халыма улууһун Черскэй бөһүөлэгэр баар Арктикатааҕы хотугу норуоттар кэллиэстэрэ үлэлии турар.
СӨ Үөрэҕин уонна наукатын министиэристибэтин пресс-сулууспата.