Бырабыыталыстыба бүгүҥҥү мунньаҕар бүддьүөт үлэһиттэрин хамнастарын төлөбүрүн чуолкайдыыр 22 балаһыанньа ылылынна. Бу балаһыанньалар бүддьүөт үлэһиттэрин хамнастарын усулуобуйатын, акылааттарын, эбии төлөбүрдэрин кээмэйдэрин, о.д.а. чуолкайдыыллар.
Бу ылыллыбыт уураахтар түмүктэринэн, 2022 сыл тохсунньу 1 күнүттэн РФ бэрэсидьиэнин 2012 сыллааҕы ыйааҕынан, орто дохуокка сыһыаннаан 100% уонна 200% хос ааҕыы (перерасчет) оҥоһуллуоҕа. Бүддьүөт эйгэтин үлэһиттэрин тус сыаллаах категорияларын хамнастара 2022 сыл тохсунньу 1 күнүттэн 3%-тан 15,2%-ҥа диэри үрдүөҕэ (категориялартан тутулуктанан). Үрдээһин сүрүннээн хамнас акылаатыгар буолуоҕа.
Санатар буоллахха, 2022 сыл от ыйын 18 күнүгэр өрөспүүбүлүкэ бырабыыталыстыбата уопсай уонна оскуола иннинээҕи үөрэхтээһин педагогическай үлэһиттэрин, орто уонна үрдүк үөрэх преподавателлэрин, педагогическай үлэһиттэрин, тулаайах уонна төрөппүт көрүүтэ-истиитэ суох хаалбыт оҕолорго социальнай өҥөлөрү оҥорор тэрилтэлэр педагогтарын хамнастарын үрдэтэр туһунан быһаарыыны ылыммыта.
Ангелина Васильева, “Саха сирэ” хаһыат, edersaas.ru
Хаартыска: sakhagov.ru.