СӨ Үөрэҕин уонна наукатын миниистирэ Владимир Егоров ыытар быһа сибээһин кэмигэр “үөрэх дьыла хаһан түмүктэниэй?” диэн үгүс көрөөччү туоһуласта.
Туһааннаах ыйытыыга миниистир: “Санитарнай-эпидемиологическай балаһыанньанан сибээстээн, үөрэх дьыла хаһан түмүктэнэрин этэр эрдэ. Кыра кылаас уонна оскуоланы бүтэрээри сылдьар үөрэнээччилэр үөрэхтэрин тус-туспа көрүөххэ сөп. Үрдүкү кылаас үөрэнээччилэригэр эппиэттээх сыл. Балар үөрэх бырагырааматын толору хабан үөрэнэллэр ордук. Онтон атын кылаастарга арыый сымнатыы биэриэххэ сөп”, — диэн эттэ. Ол эрээри, үөрэх дьылын эрдэ түмүктүүр сөп диэн этэр табыллыбат. Ыалдьыбыт киһи ахсаана күннэтэ эбиллэн иһэрин ыйда. Ыарыы салҕыы тарҕамматын туһугар туруулаһыахтаахпытын, оҕолору барыларын сынньалаҥҥа ыытан кэбистэхпитинэ, дьиэҕэ олордор уустук буолуон быһаарда.
Улуустар үбүлээн таһааралларын (учредитель) быһыытынан миэстэтигэр эпидемиологическай балаһыанньа хайдаҕыттан көрөн сүһүөхтэринэн бэйэлэрэ быһаарыы ылыныахтарын сөп. Ол да буоллар, СӨ Үөрэҕин уонна наукатын министиэристибэтин кытта сүбэлэһэллэрэ ирдэнэр диэн эттэ.
Людмила ПОПОВА, edersaas.ru
Мария ВАСИЛЬЕВА (СИА) хаартыскаҕа түһэриитэ.