«Дьокуускай куораттааҕы 3-с нүөмэрдээх балыыһа аныгы олоҕу кытары тэҥҥэ хардыылыыр. Ол курдук, бүгүн сайдыы суолугар өссө биир хардыы оҥоһулунна. «Регистратурата суох поликлиника» бырайыагы үлэлэтэн эрэбит. Онон кэлэр нэдиэлэттэн «регистратура» диэн өйдөбүл суох буолуоҕа. Көннөрү регистратура оннугар этээс аайы инфоматтар туруоруллуохтара», — диэн Дьокуускай куораттааҕы үһүс нүөмэрдээх балыыһа кылаабынай бырааһа Светлана Давыдова кэпсээтэ.
Маннык технология Дьокуускайга аан бастакытын киирэр. Балыыһаҕа этээс ахсын бырааска суруттарар анал 15 аппараат баар буолуоҕа. Билигин техниканы тургутан көрө сылдьаллар.
Приемҥа суруттараары уһун уочаракка турбакка, хаһан баҕарар кэлэн суруттарыахха сөп. Маны таһынан «Медсеть» сыһыарыы, Дьокуускай куораттааҕы үһүс нүөмэрдээх балыыһа саайтын — www.ygb3.ru, Госуслуги, er14.ru порталларын нөҥүө суруттарыахха сөп.
СӨ Ил Дарханын уонна Бырабыыталыстыбатын пресс-сулууспата
+1
+1
+1
+1
+1
+1
+1