Үөрэбит, махтанабыт

Ааптар: 
Бөлөххө киир:

Мир не без добрых людей.

«Хорошие люди похожи на воздух —
Не видно, не слышно, и вроде бы нету,
А смысла в них больше, чем в небе и звездах,
И, в общем, они-то и держат планету.»

К. Присяжнюк

Бу хоһоон тылларынан тэттик сурукпун саҕалаан туран, билигин да долгуйа үөрэр махталбын тиэрдэбин. Модун Арассыыйа Бэрэсидьиэнигэр В.В.Путинҥа, Сахабыт сирин Ил Дарханыгар А.С.Николаевка, СӨ Бырабыыталыстыбатыгар, Горнай улууһун баһылыгар Н.В.Андреевка, «Алроса», «Роснефть» хампаанньаларга, Арассыыйабыт, Сахабыт сирин бары үтүө санаалаах дьонугар, бииргэ үөрэммит оҕолорбутугар, истиҥ-иһирэх доҕотторбутугар, киэҥ нэлэмэн Сахабыт сирин улуустарын, нэһилиэктэрин уопсастыбаннай түмсүүлэригэр, уо.д.а. быйыл судургута суох кэмҥэ Горнай улууһун Бэс Күөлүн олохтоохторугар биир сомоҕо буолан доҕордуу илиигитин уунан бигэ тирэх, өйөбүл буолбуккутугар муҥура суох махталбытын тиэрдэбит!

Махтал бастыҥын аныыбыт Сахабыт сирин араас улуустарыттан түмсүбүт тутааччыларга. Сүгэ, эрбии, өтүйэ тутуурдаах баҕа өттүлэринэн көмөҕө кэлэн, күнүстэри-түүннэри тохтоло суох дьиэ тутуутугар ылсан, сылайары аахсыбакка үлэлээн, бары өттүнэн табыгастаах, толору хааччыллыылаах дьиэлэри этиллибит болдьохтоох кэмигэр бүтэрэн, сөҕүмэр үлэни ыыттыгыт. Үлэ силигэ ситэн “Кэскил” түөлбэҕэ саҥа дьиэлэр кэчигирэһэннэр, сүрэх ньүөлүйэ, долгуйа үөрдэ, сүргэ көтөҕүлүннэ. «Кэскил» түөлбэ тутуутугар сүҥкэн кылааккытын киллэрсибикитигэр барҕа махталбытын тиэрдэбит! Үлүскэн үлэҕит үтүө түмүгэ үөрүүгүтүн үрдэттин, дьон-сэргэ барҕа махтала сүргэҕитин көтөхтүн, өссө үрдүккэ кынаттаатын!

Сайын Бэс Күөлүгэр ойуур баһаарыттан дьиэтэ-уота суох хаалан, дьон-сэргэ санаата улаханнык түспүт кэмигэр, Ил Дархаммыт Айсен Сергеевич тута кэлэн олохтоохтору көрсөн, кэпсэтэн, тыын кыһалҕаны өйдөөн, Арассыыйа үрдүкү салалтатыгар тылгын ылыннаран улахан көмө оҥоһулунна. Эрэннэриллибит толорулунна. Улахан далааһыннаах сөҕүмэр үлэ ыытылынна, икки эрэ ый иһигэр сорук толорулунна. «Кэскил» түөлбэ букатын атын көстүүлэннэ, алаһа дьиэлэринэн сандаарда, саҥалыы тыыннанна.

Сахабыт сирин киэн туттар ытык-мааны Ил Дархана Айсен Сергеевич, эппиэтинэстээх үлэҕин-хамнаскын, киэҥ билиигин үрдүктүк сыаналыыбыт. Баҕа санаа бастыҥын аныыбыт. Мэлдьи үөрэ-көтө сырыт, чэгиэн-чэбдик буол! Сир үрдүгэр баар бары үтүөнү-кэрэни, уйгуну-быйаҥы!

Валентина Яковлева,

Горнай.

Хаартыскаҕа Андрей Сорокин (СИА) түһэриитэ

+1
0
+1
0
+1
0
+1
0
+1
0
+1
0
+1
0