Реанимацияҕа 105 киһиттэн 102-тэ быһыыны ылбатах

Бөлөххө киир:

Төһө да ыалдьыы ахсаана аҕыйаан истэр, санитарнай-эпидемиологическай балаһыанньа син биир тыҥааһыннаах”, — диэн өрөспүүбүлүкэтээҕи суһал ыстаап салайааччытын солбуйааччы Ольга Балабкина брифинг кэмигэр иһитиннэрдэ.

Ахсынньы 6 күнүгэр 251 киһи коронавируснай инфекциянан ыалдьыбыт. Ол иһигэр – 53 оҕо, бу пандемия саҕаланыаҕыттан үрдүк көрдөрүү. Балыыһаҕа 1301 киһи эмтэнэр, ол иһигэр 105 киһи ыарахан туруктаах (кинилэртэн 102 киһи быһыыны ылбатах), 17 киһи реанимацияҕа өлөр-тиллэр икки ардынан сытар.

Ольга Балабкина бэлиэтээбитинэн, быһыыны ылыы көрдөрүүтэ намыһах улуустарыгар (Аммаҕа, Горнайга, Мииринэйгэ) ыалдьыы ахсаана элбэх, ыараханнык ыалдьыы көрдөрүүтэ үрдүк. Онон сааһырбыт дьон уонна олоҕурбут ыарыылаахтар бастатан туран, быһыыны ылалларыгар сүбэлээтэ. Быһыыны ылбыт дьон ыарыйдахтарына даҕаны, чэпчэкитик аһардалларын тоһоҕолоон бэлиэтээтэ.

Чахчы, улахан дьон 80%-ра быһыыны  ылбыт хотугу улуустарга ыалдьыы суоҕун кэриэтэ.

Ангелина Васильева, “Саха сирэ” хаһыат, edersaas.ru

Хаартыска: sakhagov.ru

+1
0
+1
0
+1
0
+1
0
+1
0
+1
0
+1
0