Үрдүк үөрэххэ докумуону тутуу уһаан биэрдэ

Ааптар: 
Бөлөххө киир:

Аҕыйах хонуктааҕыта иһитиннэрбиттэрин курдук, биир кэлим эксээмэн (ЕГЭ) быйыл коронавирус ыарыы өрө турбутунан сибээстээн, бэс ыйын 8 күнүттэн, сүрүн судаарыстыбаннай эксээмэн (ОГЭ) бэс ыйын 9 күнүттэн саҕаланыаҕа.

edersaas.ru

РФ үөрэҕириигэ миниистирэ Сергей Кравцов онлайн кэмпириэнсийэ кэмигэр ыйытыыларга хоруйдууругар туох эбит уларыйыы тахсар түгэнигэр эксээмэн кыттыылаахтарыгар суһаллык биллэриэхпит диэн эттэ. Бүгүҥҥү күҥҥэ эксээмэн араспысаанньатын бырайыага оҥоһуллубута. Дьүүллэһиллэн бигэргэтиллэрэ эрэ хаалан турар.

Оскуола үөрэнээччилэрин эксээмэннэрэ уһаан биэрбитинэн сибээстээн, үрдүк үөрэххэ докумуоннары тутуу болдьоҕо эмиэ сыҕарыйбыта. Ол курдук, абитуриеннар докумуоннарын хойутаабыта атырдьах ыйын 10 күнүгэр диэри биэриэхтэрин сөп. Биллэн турар, маныаха абитуриент биир кэлим эксээмэн түмүгүнэн дуу, орто анал үөрэх кэнниттэн тургутууну ааһан дуу, эбии эксээмэннэри туттарарыттан (сорох идэлэргэ ирдэнэр) дуу тутулуктаах. Хас биирдии үөрэх кыһатын саайтыгар барыта сиһилии суруллар.

Людмила ПОПОВА, edersaas.ru

+1
0
+1
0
+1
0
+1
0
+1
0
+1
0
+1
0