Өрүһү туоруур тарыып 2-3 тыһыынчаҕа тэҥнэһиэ

Бөлөххө киир:

Сэтинньи 3 күнүттэн Дьокуускай-Аллараа Бэстээх хайысхатынан Өлүөнэ өрүһү туоруурга тарыып үрдээн, 2 тыһыынча солкуобай буолуоҕа. Бу туһунан пассажирдары таһар хампаанньа дириэктэрин солбуйааччы Борис Строев ykt.ru порталга кэпсээтэ.

— Билигин өрүс үөһүнэн олус хойуу муус устар, онон салгын олбохтоох тырааныспар айанныырыгар үгүс мэһэйдэри көрсөр, элбэхтик алдьаналлар, бириэмэлэрин сүтэрэллэр. Аллараа Бэстээххэ быһаччы тиийэргэ бу тарыыбынан 2-3 күн устата үлэлиэхпит, онтон өрүс ортотугар пассажирдары “Тайфун” аэроботка көһөрөн тиэйэр буолуохпут, — диэн кини эттэ.

Аэробот үлэлиир кэмигэр өрүһү туорааһын ороскуота уопсайа 2,5-3 тыһыынча солкуобай буолуо. Бу уонча хонук устата, муус туруор диэри маннык үлэлиэхтэрэ.

Билигин Дьокуускай-Аллараа Бэстээх хайысхатынан 20 салгын олбохтоох суудуналар сылдьаллар. Алтынньы 31 күнүттэн тарыыптара 1,5 тыһыынча солкуобайга диэри үрдээбитэ (бу иннинэ 1 тыһыынча солкуобай этэ).

Ангелина Васильева, “Саха сирэ” хаһыат, edersaas.ru

Хаартыска: ykt.ru

+1
0
+1
0
+1
0
+1
0
+1
0
+1
0
+1
0