Өрөспүүбүлүкэтээҕи лиссиэй интэринээт — Арассыыйа бастыҥ оскуолаларын ТОП-300 испииһэгэр
Өрөспүүбүлүкэтээҕи лиссиэй-интэринээт Арассыыйа бастыҥ оскуолаларын ТОП-300 иһигэр киирдэ.
Өрөспүүбүлүкэтээҕи лиссиэй-интэринээт Арассыыйа бастыҥ оскуолаларын RAEX (РАЭКС-Аналитика) рейтинигэр 56-с кирбиини ылан, ТОП-300 иһигэр киирдэ. Бу туһунан социальнай ситимҥэ Ил Дархан Айсен Николаев иһитиннэрэр.
«Өрөспүүбүлүкэтээҕи лиссиэй-интэринээт Арассыыйа бастыҥ оскуолаларын ортотугар 56-с кирбиини ылан, ТОП-300 испииһэгэр киллэриллибитин туһунан сибидиэтэлистибэни бүгүн тутта. Сыл түмүгэ ситиһиилээх буолла! Ис сүрэхпиттэн эҕэрдэлиибин«, — диэн суруйар кини.
Санатан эттэххэ, бу иннинэ эрдэ, Уһук Илин ТОП-20 оскуолатын испииһэгэр, Арассыыйа үрдүк үөрэҕин бастыҥ кыһаларыгар киирии ахсаанынан, Саха сириттэн тоҕус оскуола киллэриллибитэ. Рейтиҥҥэ бастакы кирбиини Өрөспүүбүлүкэтээҕи лиссиэй-интэринээт, үсүһү — В.П.Ларионов аатынан физико-техническэй лиссиэй ылбыттара.
Уһук Илин ТОП-20 оскуолатын испииһэгэр, маны сэргэ, Дьокуускай куораттааҕы классическай гимназия, Дьокуускай куораттааҕы лиссиэй, 2 №-дээх национальнай политехническэй оскуола, Дьокуускай куораттааҕы национальнай гимназия, 31 №-дээх оскуола, сорох предметтэри дириҥэтэн үөрэтэр 26 №-дээх оскуола, Дьокуускай куорат 17 №-дээх оскуолата киирбиттэрэ.
+1
+1
+1
+1
+1
+1
+1