Балаҕан ыйын 14-15 күннэригэр ыччакка аналлаах «Траектория карьеры» диэн иккис төгүлүн ыытыллар өрөспүүбүлүкэтээҕи үлэ дьаарбаҥката онлайн ыытыллыаҕа диэн Нэһилиэнньэ дьарыктаах буолуутугар судаарыстыбаннай кэмитиэт пресс-сулууспата иһитиннэрэр.
Дьаарбаҥка кыттыылаахтарыгар анаан министиэристибэлэр уонна биэдэмистибэлэр бырамыысыланнаска, тыа хаһаайыстыбатыгар, ОДьКХ уонна энергетикаҕа, үөрэхтээһиҥҥэ, доруобуйа харыстабылыгар, култуураҕа уо.д.а. хайысхаларга былаһааккалары бэлэмнииллэр. Манна ханна, туох үлэ миэстэтэ баарын, үлэ усулуобуйаларын, идэҕэ үөрэнэр кыахтар туһунан сиһилии кэпсиэхтэрэ.
Тэрээһин кэмигэр алта маастар-кылаас ыытыллыаҕа:
— «Фабрики будущего. Современные тренды в экономике» (АО «Корпорация развития Дальнего Востока и Арктики»);
— «Метакомпетенции. Транспрофессионализм» (АО «Корпорация развития Дальнего Востока и Арктики»);
— «Построение личной карьерной траектории на Дальнем Востоке» (АО «Корпорация развития Дальнего Востока и Арктики»);
— «Резюме – главный элемент поиска работы» (ГКУ РС (Я) «Центр занятости населения Республики Саха (Якутия)»);
— «Возможности Федеральных и Республиканских проектов в вопросах обучения и содействия трудоустройства молодежи» (Минобрнауки РС (Я));
— «Профориентация и трудоустройство для выпускников с ОВЗ и выпускников с инвалидностью» (Минобрнауки РС (Я)).
Маны таһынан араас тиэмэҕэ сэминээрдэр, вебинардар ыытыллыахтара, интэриэһинэй презентациялары көрдөрүөхтэрэ.
Дьаарбаҥкаҕа кыттарга 650 тэрилтэттэн 5000 үлэ миэстэтигэр сайаапка киирбит. «АЛРОСА», «Колмар», «Якутскэнерго», «ЯТЭК» уо.д.а. улахан хампаанньалар кыттыахтара.
Тэрээһиннэр Zoom платформаҕа хайысхаларынан ыытыллыахтара. Итиэннэ дьаарбаҥка Дьарыктаах буолуу кэмитиэтин ютуб-ханаалыгар көстүөҕэ: https://www.youtube.com/channel/UCMeJrUyejc3q4LPjMkaFg6g
Сиһилии манна билсиҥ, регистрацияны ааһыҥ: ярмаркавакансий.рф.
Кэмитиэт саайта, инстаграма: https://gkzn.sakha.gov.ru/ уонна https://www.instagram.com/goskomzanyatosti/