Ил Дархан Айсен Николаев аныгы олох тэтимин кытта тэҥҥэ хардыылыыр, саҥалыы көрүүлээх салайааччы. Холобура, IT-эйгэни сайыннарар, Саха сирин бу салааҕа инники таһаарар толкуйдааҕын туһунан бэйэтин ыйааҕар этэн турар.
edersaas.ru
IT-оскуола дириэктэрэ Алексей Илларионов санаатын бу курдук үллэстэр:
— IT-паарка тэриллибитэ өрөспүүбүлүкэҕэ улахан хардыынан буолар. Биһиги Технопаарка резиденнэрэбит. Чэпчэтиилээх усулуобуйаҕа олоробут. Билиҥҥитэ филиалларбытын ааҕан туран 340 оҕо дьарыктанар. Оҕолор икки сыллаах үөрэҕи ааһаллар. Иитиллээччилэрбит сүрүннээн киин куорат үөрэхтэрин кыһаларыгар киирэллэр. Инникитин субсидияҕа киирсиэхпитин баҕарабыт.
Ил Дархан Айсен Николаев инновационнай уонна цифровой сайдыыга ыйааҕар улуустарга 17 IT-кииннэри тэрийии туһунан эппитэ улахан суолталаах докумуоннартан биирдэстэрэ. Куораттары эрэ буолбакка, улуустары эмиэ хабан. Холобура, 100 оҕо дьарыктаннаҕына, 1-2 бырыһыана хайаан даҕаны уһулуччу талааннаах буолар. Өскөтүн, тыһыынча оҕону кытта дьарыктаннахпытына, номнуо ити сыыппара 10-20 киһиэхэ тэҥнэһэр. Ити өрөспүүбүлүкэ инники хардыылыырыгар улахан суолталаах.
“Саха сирэ” хаһыат, edersaas.ru